ნაწილი 1. შრომის უსაფრთხოების მართვა საერთაშორისო კონტექსტში

1. სამუშაო ადგილზე შრომის უსაფრთხოების (შუ) მართვის მიზეზები: მართვის მორალური, ფინანსური და იურიდიული მიზეზები; შუ მოთხოვნების შეუსრულებლობის შედეგები; საერთაშორისო ორგანიზაციების (ILO და ISO) როლი შუ-ს გაუმჯობესებაში; პასუხისმგებლობების განაწილება ორგანიზაციაში; ქვეკონტრაქტორი ორგანიზაციების უსაფრთხოების მართვა.
   
   
2. როგორ მუშაობს შუ მართვის სისტემები: ყველაზე ხშირად დანერგილი სისტემების მნიშვნელოვანი ელემენტები (ILO-OSH 2001 და ISO 45001:2018).
   
   
3. რისკების მართვა – ადამიანებისა და პროცესების გაგება: პრაქტიკული ინსტრუმენტები კომპანიაში უსაფრთხოების კულტურის გასაუმჯობესებლად; ადამიანური ფაქტორის როლი რისკის აღქმასა და ინციდენტებში; რისკის შეფასების ეტაპობრივი მეთოდები, ცვლილებების მართვა და საგანგებო სიტუაციებისთვის მზადყოფნის დაგეგმვა.
   
   
4. შრომის უსაფრთხოების მაჩვენებლების მონიტორინგი და გაზომვა: მიმდინარე (პროაქტიული) და რეაგირებადი მონიტორინგის მეთოდები; შემთხვევების მოკვლევა და მათი მიზეზების ანალიზი; მართვის სისტემების აუდიტი და მდგომარეობის ანალიზი მუდმივი სრულყოფისთვის.
   
   

ნაწილი 2. რისკების მართვა

1. ფიზიკური და ფსიქიკური ჯანმრთელობა: ხმაურის, ვიბრაციის, არაიონებელი და იონებელი გამოსხივების რისკები და კონტროლის ზომები; თანამშრომელთა ფსიქიკური ჯანმრთელობის შენარჩუნება; სამუშაოზე ძალადობისა და ნივთიერებების ბოროტად გამოყენების პრევენცია.
   
   
2. საყრდენ-მამოძრავებელი აპარატის ჯანმრთელობა: პროფესიული დაავადებები და მათი პრევენცია; არაერგონომიულ სამუშაო ადგილებთან დაკავშირებული ჯანმრთელობის გაუარესება და კონტროლის ზომები; სიმძიმეების ხელით და ამწე მოწყობილობებით გადაადგილებასთან დაკავშირებული საფრთხეები და რისკები.
   
   
3. ქიმიური ნივთიერებები და ბიოლოგიური აგენტები: მავნე ნივთიერებების კლასიფიკაცია და მათი გავლენა ჯანმრთელობაზე; რისკის შეფასება; სამუშაო ზონის ჰაერში მავნე ნივთიერებების შემცველობის კონტროლი (ზღვრული დასაშვები კონცენტრაციები); სპეციფიკურ ნივთიერებებთან მუშაობის კონტროლის ზომები.
   
   
4. ზოგადი პრობლემები შრომის უსაფრთხოების სფეროში: სანიტარულ-ჰიგიენური პირობები და მიკროკლიმატი; სიმაღლეზე მუშაობა, ჩაკეტილი სივრცეები და მარტო მუშაობა; ფეხით მოსიარულეთა და ტრანსპორტის უსაფრთხო გადაადგილება.
   
   
5. სამუშაო აღჭურვილობა: მოთხოვნები სამუშაო აღჭურვილობის, ხელის და ელექტრო ინსტრუმენტების მიმართ; მანქანა-დანადგარების მექანიკური და არამექანიკური საფრთხეები და მათი დაცვის მექანიზმები.
   
   
6. სახანძრო უსაფრთხოება: წვის 3 კომპონენტი; სითბოს გადაცემისა და ცეცხლის გავრცელების ტიპები; სამუშაო ადგილზე ხანძრის გამომწვევი მიზეზები და შედეგები; ხანძარსაწინააღმდეგო ღონისძიებები, სიგნალიზაცია, ქრობის მეთოდები და ევაკუაციის წესი.
   
   
7. ელექტროუსაფრთხოება: ელექტროენერგიასთან დაკავშირებული საფრთხეები და რისკები; კონტროლის ზომები.